1

7

34 Gießiſcher Leichpredigten

ſterbens: Etliche wuͤndſchen jnen lang/ vñ wann es muͤglich were/ al⸗

lezeit zuleben/ nit daß ſie Gottes willen deſto mehr theten/ in jhrem leben dem Herꝛen vnnd andern Leuten/ in politia& Eccleſia, mit muͤhe vñ apbeit/ vnter dem Creutz/ wie S. Paulus/ dienen moͤchten/ ſondern theyls/ weil ſie in boͤem Gewiſſen den Todt fuͤrchten/ vnnd dañenher keines beſſern Lebens vmb jrer vn bunfaiatat willen/ dar⸗ innſie beharzlich fort ſetzen/ ſich zu getroͤſten haben: Theyls/ weil jdnen diß Terrenum ſo wol geliebt/ in ſeinen Luͤſten vnd Frewden/ daß ſie nach dem ewigen/ als welches ſie keinen verſtand haben/ nicht fragen. Andere moͤchts leidẽ/ daß ſie noch langleben/ damit ſie groſſe ding vor ſich vnd die jhren außrichten/ viel Gelt vnd Gut zuſamen ſchluͤgen/ Summarum, jhre ſucceſſores erſt alle wol vnd ſtadtlich verſorgen muͤſſen.+¾

Etliche aber wuͤndſchen jhnen den Todt/ ſagen alle zeit vom Sterben/ nicht daß ſie mit jhrem Todt Gott zu preiſen begerten/ wie S. Paulus thate/ ſondern zu weilen auß vngedult/ wann es jh⸗

nen nicht nach deß verderbten Fleyſches willen ergehet/ vnd ſie dem

Herꝛn Chriſto das Creutz vngern nachtragen..

Etliche auß lauter Thorheit vnd Heucheley/ gerad als ob ſie ſo gar kein ſchewen fuͤr dem Todt/ ſondern groſſen Glauben zu Gott hetten: Vnd doch wann es ſolchen hernacher wider wolgehet/

jhnen leyd were/ daß ſie geſtorben weren. In warheit wann ſich bey

ſolchen der Todt ſehen lieſſe/ den ſie lengſt gewuͤndſchet/ ſie wuͤr⸗ den jhn von ſich/ zu andern gar bald weiſen/ wie die erfahrung auß⸗

weiſet/ ja wann es mit Sterben ſo zu gieng/ wie wir vns befinden/

wañ wir noch geſund ſein/ vnd wir ohn ſchmertzen abſcheiden moͤch⸗ ten/ oder Golt vns wuͤndſch gewalt gebe an welchem Todt wir ſter⸗ ben wolten. Iſt alſo mit dem Todt wuͤndſchen offtmals/ mehr ein ver⸗ ſuchung Gottes/ dann ein dienſt Gottes. S. Paulus aber lehret vns allhie/ wie wir vns beyd das Leben vnd das Sterben wuͤndſchen ſollen/ nemlich da ſolches zur ehre Gottes/ vnſers vnd deß Nechſten nutzen