Ad. z0.

Matth. 10.

KRom. 8.

1IL

28 Gießiſcher Leichpredigten. Gutthat/ von deren kein Menſch auſſer Chriſto jhm hett duͤrffen traͤumen laſſen/ je billich in vns vnauffhoͤrliche Danckbarkeit ge⸗ gen Chriſtum erwecken ſoll jn zu Loben vnd zu Ehren/ daß er vns ſo thewr erkaufft/ vnd dem Satan auß ſeinen Klawen vnd Rachen ge⸗ riſſen/ deſſen Knecht wir ſonſt in ewigkeit hetten ſein muͤſſen; Ihn zubekennen mit vnerſchrockenem. Hertzen gegen die Gottloſe Welt/ vndallen derſelbigen mechtigen Anhang/ Gut vnd Blut vmb ſeinet willen auffſetzen/ der gewiſſen vngezweiffelten Hoffnung/ er werde vns wider bekennen vor Gott ſeinem Himmliſchen Vatter/ Leiden wir mit jhm/ ſo werden wir auch mit jhm Herꝛſchen/ vnnder ſich ſo trewlich bey vns einſtellen/ daß weder Todt noch Leben/ weder En⸗ gel noch Fuͤrſtenthumb/ noch Gewalt/ weder Hohes noch Tieffes/ weder Gegenwertiges noch Zukuͤn fftiges/ noch jrgendt ein ander Creatur vns ſcheyden ſolle von der liebe Gottes/ die da iſt in Chriſto Jeſu vnſerm Herꝛn.—

Vors Dritte aber hierbey mit zugeſehen/ daß da wir Ewig bey vnſerm Herꝛn Chriſto ſein vnd bleiben woͤllen wir nicht allein vns erinnern/ es woͤlle geſtorben ſein/ vnd dargegen faſſen/ Chriſtus hat vns das ewige Leben erworben/ ſondern daß wir auch Selig/ in dem ſelbigen vnſerm HerꝛnChriſto allhier abdruͤcken vnd abſterben: Warlich S. Paulus bildet hm allhier gantz hertzlich fuͤr/ als den rechten Meyſter zuhelffen/ beyd vom Zeitlichen vnd Ewigen Tod/ ſeinen lieben Herꝛn Jeſum Chriſtum/ Chriſtus/ ſagt er/ iſt mein Le⸗ ben: Johan. am. ſpricht S. Petrus/ Herrꝛ/ wo ſollen wir hinge⸗ hen? Du haſt das wort deß Lebens/ vnd wir haben geglaubt vnder⸗ kandt/ daß du biſt Coriſtus der Sohn deß lebendigen G Ottes/ der den Todt verſchlungen hat in dem Sieg ewiglich. In der Offen⸗ barung/ Joh. 14. ſteht/ Selig ſind die Todten/ die in dem He dun ſterben von nun an/ ja der Geyſt ſpricht/ daß ſie ruhen von jhrer Ar⸗ beit: Die jenigen aber ſterben in dem Hern/ die all jhr Hertz/ Sinn vñ Gedancken von der Welt abwenden/ durch waren Glauben Je⸗ ſum Chriſtum jren Herꝛn ergreiffen/ denſelben in jr Hertz ſchlieſſen

dar⸗