Erſter Theyl. 25 ctor ſeliger ſich ſo vielfaltig wiſſen zutroͤſten/ auch begeret/ daß pro concione funebri bey ſeiner Begraͤbnuß moͤchten außgelegt wer⸗ den:Kuͤrtzlich in der Furcht deß Herꝛen erklaͤren/ vnd mit deß heili⸗ gen Geyſtes beyſtand zu vnſerm beſten vermercken: Das helff vns Gott vmb Chriſti willen/ Amen.
Anfangs aber iſt vonnoͤten/ die verleſene wort deſio nuͤtzlicher zuverſtehen/ daß wir vns berichten laſſen deß zuſtands S. Pauli/ der zeit/ als er dieſe wort an die Philipper geſchrieben: Vmb deß Evan⸗ gelii willen lag er damals zu Rom gefenglich/ wie auß dem erſten Capitel dieſer Epiſtel zuſehen.
Bey ſolchem zuſtandt war es vmb ſein Leben vnnd Sterben/ bleiben vnd abſcheyden gar ein vngewiſſes/ er koͤnnte auch leichtlich mutmaſſen/ daß theyls der Philipper viel/ dieſes ſeines zuſtandts halben mit jm ein hertzliches mitleiden tragen/ etliche aber in die ge⸗ dancken gerahten wuͤrdẽ/ was daß fuͤr ein meynung hette/ daß Gott ein ſolch ſein thewr Werckzeug in dergleichen beſchwerlichkeit kom⸗ men lieſſe. Derohalben denen allen vorzukommen/ ſich ſelbſt auch friſch auffzumundtern/ ſo ſpricht vnd ſchreibt er an ſie/ Chriſtus iſt mein Loben/ Sterben iſt mein Gewiñ: Will ſagen/ es gelte jhm eben gleich vnſer Herꝛ Gott laſſe jhn lenger hie Wallen gehen/ oder ſpan⸗ ne jhn gar auß/ vnd neme jhn von hinnen:Er wiſſe gewieß/ Sterbe er/ daß er dem. Herꝛn ſterbe/ Lebe er aber/ daß er dem HE RRN lebe. Summa/ daßer todt vnnd lebendig in Gottes Haͤnden ſtehe/ dar⸗ auß jhn kein einige Creatur jmmermehrreiſſen ſoll: Deßwegen er auch ſeine Philipper will gebeten haben/ ſeinet wegen vnbekuͤmmert zu ſein vund zu bleiben.
Gleichwolaber weil er hierneben zu Gemuͤth fuͤhrte/ welcher ge⸗ ſtalt es jhnen vnd der geplantzten Evangeliſchen Apoſtoliſchen Kir⸗ chen/ viel vortraͤglicher ſein wuͤrde/ da nach Gottes willen er lenger im Fleyſch ſein/ das iſt/ auff Erden bleiben/ Lehren/ Troͤſten/ Straf⸗ fen vnd ermahnen wuͤrde/ ſetzt er hinzu beyde ſtuͤck/ das iſt/ Leben vñ Ster ben ligen jhm ſehr hart an/ vnd wann er ſeine vnd der Kirchen nutz⸗