89 Beſchreibung der fuͤrnehmbſten Staͤtt und Plaͤtze
gnyen Pferd gelegen/ deſſen ſie ſich/ ohne Verluſt einigen Manns/ ſampt Pferden/ und Geſchirr be⸗ maͤchtigten/ und mit guter Beut wieder nach Dor⸗ ſten kehreten.
Lera/ in Oſt⸗Frießland/ ein ſchoͤner/ groſſer Marckt/ am Fluß Leda/ allda er in die Embs kompt. Iſt vielen Staͤtten gleich/ gehet auch Theils an Volck und Gebaͤuen vor/ da groſſes Gewerb getrie⸗ ben wird. Ligt zwo Meilen von Embden/ und wird dieſer Theil deß Lands Mormaria genant. Theils nennen dieſen Ort/ der alle andere/ zwiſchen der Embs/ und Weſer/ auſſer Embden/ und Norden, uͤbertreffen ſolle/ Lier. Beſiehe von ihme Ubbonem Emmium lib. 2. rer. Friſicar. p. 26& in Chorogr. deſcript. Friſiæ Orientalis. Anno 1637. den 21. Septembris/ Alten Calenders/ iſt allhie Landgraff Wühelm zu Heſſen geſtorben.
Lewenfort/ Lemvorde/ Lemforth/
Leuvoerden/ Lewenforde/ wird von Theils fuͤr ein Schloß/ und fuͤrnehmen Paß von Oßnabruͤck nacher Minden geſetzt. Andere berichten es ſeye die Statt Lemvord/ Anno 16 39. vom Schwe⸗ diſchen General Major King erobert worden. Im vierdten Theil deß Theatri Europ. ſtehet am 339. Blat alſo: Anno 1642. haben ſich im Octobr. die Kaiſeriſche Reuter in der Vechte eins mals herfuͤr gethan/ und die in Lemforth ligende Schwediſche Beſatzung/ von ſiebentzig Mann ſtarck/ als ſie zu Oßnabruͤck eine Convoy von 30. Pferden abgeho⸗ let/ und ſich in einem Dorff niedergelaſſen gehabt/ uͤberfallen. Ob nun wol die Schwediſchen/ die Kaͤiſeriſchen zwey mal zuruͤck geſchlagen/ ſo iſt doch den Schwediſchen endlich ihr Hauß/ ſo ſie zum Vortheil gehabt/ in Brand geſteckt/ und ſie dar⸗ durch alſo uͤbermeiſtert worden/ daß ſich ihrer eins⸗ theils gefangen geben muͤſſen/ unter denen Capio⸗ taͤin Leßle ſo die Convoy/ als Commendant in Lem⸗ 8 gefuͤhret/ geweſen; ein Rittmeiſter aber/ der
lein Quartier annehmen wollen/ mit dreyſſig Per⸗ ſonen auff dem Platz geblieben. Weiter wiſſen wir den. Auguſti/ zu Straßburg/ ſeine Lehr revocirt/
noch zur Zeit von dieſem Ort nichts zu berichten/ als daß die Landtafeln ſolchen Ort/ beym Dummerſee gelegen/ in die Graffſchafft Dieffolt ſetzen.
Limburg/ Lymburg/ ſo etwan eine Graffſchafft ſolle geweſen ſeyn/ jetzt aber zur Graff⸗ ſchafft Ravenſperg/ und den Guͤlchiſchen Landen gerechnet wird. Ligt nahend Melle/ Lubbecke/ und Renneberg/ und nicht gar weit von Engern.
Lingen/ zwiſchen Rhene/ und Meppen/ ſo beyde Munſteriſch/ von jedem Ort vier Meilen/ und ungefaͤhrlich ein Viertheil Meil von dem Fluß⸗
Ems/ in Weſtphalen/ gelegen; ſo etwan die Reſi⸗
dentz/ und Hoffhaltung/ der Weſtphaliſchen Graf⸗ fen von Tecklenburg geweſen/ Staͤttlein und Schloß/ und jetzt ein anſehnliche Veſtung/ darzu eine Herrſchafft/ gehoͤrig iſt. Iſt von Tecklenburg/ als ein Geldriſch Lehen/ an Kaſer Carlen den
Fünften kommen. Solle der Zeit Staadiſch/ oder lederlaͤndiſch ſeyn/ als an welche Herren Staaden ſolche Veſtung und Herrligkeit/ durch einen Tauſch/ von Spanien/ kommen ſeyn ſolle. Und weilen/ in Beſchreibung des Niederlands hievon wider zu reden ſeyn wird; ſo kan man/ ohne Maßge⸗ bung/ unter deſſen/ von dieſem Ort die Continuatſon deß Teutſchen Raͤißbuchs Zeilleri, cap. 2 1. P. 267. ſeq. Item/ den Naſſauiſchen Lorbeerkrantz/ am 232. Blat/ leſen: Und darzu thun/ was Chytræus lib. 7. Saxon. pag. 200. wie ſolcher Ort Anno 1119. vom Biſchoff Erichen zu Muͤnſter eingenommen/ gepluͤndert/ und mehrers beveſtiget worden; der Graff Niclas von Tecklenburg/ ſich unter Hertzog Carls in Geldern Schutz begeben/ auff deſſen Be⸗ trohung, die Muͤnſteriſchen dem Graffen ſolch Ge⸗ bieth wieder geben; welchen Graffen aber daſſelbe Kaͤiſer Carl der Fuͤnffte/ deß beſagten Hertzogs in Geldern Succeſſor, wieder entzogen/ dieweil Graff Conrad/ deß obgedachten Nicolai Bruders Sohn/ die Waffen wider ihn/ den Kaͤiſer/ als Lehenherrn/ in dem Teutſchen Krieg/ getragen hatte.
Linnich/ ein Staͤttlein im Guͤlcherland/ all⸗ da ein ſtattlicher Altar/ auß gantzem ſchwartzem Marmor/ zuſehen/ dergleichen/ auſſer dem Altar in dem Chor deß Thumbs zu Coͤlln/ in dieſer Lands⸗ Art nicht ſolche zufinden ſeyn.
Loots/ auff Niederlaͤndiſch Borcloen/
oder Borchloen genannt/ allda die Stifftskir⸗ ches. Odulpho Presbytero geweyhet iſt/ ligt andert⸗ halb Meilen von S. Truden, und vier von Luͤttich/ im Biſchthumb Luttich: Und iſt ein ziemlich fein Staͤttlein/ mit viel Lands/ und ſchoͤnen Doͤrf⸗ fern. Wie es dann eine Graffſchafft iſt/ ſo vor Zei⸗ ten eygene Graffen/ ſo die Graffen von Dioſtien ge⸗
nant worden/ gehabt hat. Es wird dieſes Loots/ ſon⸗
der Zweifels/ das Loos ſeyn/ ſo Los(aſtrum, und Primaria Comitatus Loſſenſis IIrbs, genannt wird/ allda Gerhard Schoben Commiſſarius, ein fuͤrneh⸗ mes Glied deß Dominicaner Ordens/ Anno 1643.
und ſich zur Augſpurgiſchen Confeſſion begeben hat. Pontanus lib. 4. rer. Danicar. p. 95. ſchreibet
folgendes: Conſtat ex Actis Leodienfium Prin-
cipum„ 4 Carolo Magno Loſſæ Comitatum O- riginem accepiſſe, in agro Leodienſium, qui cum Ogerio Dano Franciæ Pari, ob virtutem dono dederit. A quo exinde Ogerio Originem ſuam repetendam habent Loſſenſes, five, ut ho- die ſcribunt, Lonenſes Comites. Wer dieſer Sa⸗ chen mehrers erfahren/ wird ſich in dieſes bald fin⸗ den koͤnnen.
Lubbeke, ein Staͤttlein bey Renneberg/ und
nicht gar weit von Heerwerden/ oder Herfort/ ſo jetzt Mindiſch iſt. 9 zodet Her orräſo
Luͤgde/ Lugde/ von Theils Lohe/ und
Lude genannt, nahend dem Fluß Emmer/ und dem
‿ N MN