30 Beſchreibung
Berengrieſe.
In Biſchoflich Aichſtaͤttiſch Staͤdtlein/ En ſ Hirſchberg an der Altmuͤhl gele⸗ gen. Bey dieſem Ort ruinirte Anno 1633. der Obriſt⸗Leutenant/ Hanß Wachtmeiſter/ den 15. Junii/ 5. Regimenter Croaten und Polacken/ in 1500. Pferd ſtarck/ erlegte da⸗ von 250. und bekam 0. gefangen.
Bernhauſen.
Eu Fuͤrſtlich Biſchofflich Wuͤrtzburgi⸗ ſcher Ort/ und Ampt.
, Bibra. B brach insgemein bißher genannt/ ein Wuͤrtzburgiſcher Marckt/ ſieben viertel Meilwegs von Neuſtatt an der Aiſch gelegen. Es iſt auch ein Bibra bey Mel⸗ lerſtadt.
Bildenreut/ Pillnreut.
En Nonnen⸗Cloſter/ im Nuͤrnberger Wald/ ſo auß Erlaubnuß Kaͤyſers Lu- dovici IV. Anno 13 40. zu erbauen angefan⸗ gen worden; wie Crulius in Annalib. Suev. part. 3. cap. 12. pag. 239. berichtet. Iſt S. Auguſtini Ordens/ da herumb es groſſe
See hat. Birckenfeld.
En vornehmes Adeliches Nonnen⸗Clo⸗ ſter/ Ciſtercienſer⸗Ordens/ unter der Auffſicht deß Abbts zu Ebrach/ ſo umbs Jahr 1276. an dem Fluß Aeſt/ oberhalb Neu⸗ ſtatt/ in Francken/ von Graff Friederichen zu Zollern/ dem erſten Burggraffen zu Nuͤrn⸗ berg/ auß dieſem Geſchlecht/ und ſeiner Ge⸗ mahlin Helena/ geſtifftet worden; wie aber⸗ mals gemeldter Cruſius ſchreibet. Die von Seckendorff haben hernach viel darzu ge⸗
geben. Biſchoffsheim.
Or der Roͤhn/ nahend Fladungen/ und V Oſtheimb/ an der Straͤy/ Want und Ampt/ Wuͤrtzburgiſch. Berthous, oder Ber- tholdus, Abt zu Fulda/ welcher Anno 1271. von ſeinen Lehenleuten/ umbgebracht wor⸗ den/ hat dieſe Stadt/ darinn ſich Raͤuber auff⸗ gehalten/ nachdemer zuvor die Stadt/ und
4
Capitul zu Wuͤrtzburg/ den Gewalt abzu⸗ wehren/ ermahnet hatte/ eingenonunen/ und ſie/ die Stadt/ angeſteckt; die Raͤuber aber/ weil ſie ſich auß Verzweifflung von einem veſten Ort gewehret/ mit dem Leben frey ab⸗ ztehen laſſen; wie Brouverus lib. 4. Antiqu. Fuldenſ. pag. 311. ſchreibet. Auno 1643. be⸗ fanden ſich die Frantzoſen/ und Weymari⸗ ſchen/ allhie.
Es iſt auch ein Biſchoffsheim an der Tauber/ welches Kaͤiſer Friderich der An⸗ der Anno 1237. den Ertz⸗Biſthumb Maͤnytz uͤbergeben. Serardus de rebus Mo- gunt. l. 5. pag. 836. ex Trithemio.
Botenſtain/ Pottenſtein/ Bodenſtein/ Boteſtainum.
Gn Stadt/ Schloß/ und Bambergiſche pfleg/ am Waſſer Putlaͤch/ zwiſchen vielen Bergen/ hohen Felſen/ und Steinklipf⸗ fen/ wie das Ulmiſche Staͤdtlein Geißlingen gelegen/ und deß beruͤhmten Manns Martini Cruſii, weyland Profeſſoris zu Tuͤbingen/ Vaterland. Anno 1526. ſeyn allhie mehr/ als hundert Haͤuſer/ verbronnen wie er Cru- ſius, in ſeiner Schwaͤbiſchen Chronic/ part. 3. fol. 599. ſchreibet. In dem Marggraͤf⸗ fiſch« oder Fraͤnckiſchem Krieg/ hat Marg⸗ graff Albrecht von Brandenburg/ dem Bi⸗ ſchoff von Bamberg/ unter andern Orten/ auch dieſes Botenſteinſim Jahr 1553 entzo⸗ gen; ſo aber der Biſchoff eben in dieſem Jahr wieder erobert hat. Es haben ſich vor der Zeit allhie/ und an andern Ortendieſes Biſtumbs Bamberg/ Evangeliſche Leut auffgehalten; die aber Biſchoff Neidhart von Thuͤngen/ſo Anno 1501. erwehlet worden/ nit mehr hat leyden wollen.
Brait/ oder Marck⸗Brait.
KImn beſchloſſener Marckt⸗Flecken am
Maͤyn/ nahend Oxenfurt/ Sultzfeld/ und Iphofen /anjetzo zum halbẽ Theil Herrn Wolff Chriſtoffen von Seckendorff/ ſo es mit Urtheil/ und Recht gewonnen; und zum andern halben Theil Herrn Chriſtian von Seinsheim/ Freyherrn/ gehoͤrig/ deſſen letzten Theil zwar ſeit 1634. biß daher/ von Wuͤrtzburg ſequeſtrirt, und Schulden hal⸗ ber/ ins Julier⸗Spital/ in Poſſeſſion ge⸗ nommen worden. Wird Marck⸗Brait/oder Untern⸗Brait/ zum unterſchied Obern⸗ Brait/ ſo Brandenburgiſch/ und andern Adels⸗Perſonen, als ein Ganerben⸗Fleck/
b gehoͤrig iſt/ genannt.— Brau⸗
— — —