onne e diero ie en N ſ en) ſ ſoan in nſo nger in rbal au dal 1 ff J olch n at. 9 5X 4 n1 aͤck, int nw in z hne i tw Lan in 1 ℳ zeri k ſu n ſel a n
von Bertholdo dem 45. Biſchoff allhie, auß dem Geſchlecht der Burggraffen zu Nuͤrn⸗ berg/ erbauen worden; deſſen Nachfolger ſol⸗ ches erweitert/ und ſonderlich die Biſchoͤffe Martinus von Schaumberg/ Johann Con⸗ rad von Gemnungen/ und JohannChriſtoff von Weſterſtetten/ herrlich gezieret haben. Der jetzt/ und auch vormals gedachte Bi⸗ ſchoff Johann Conrad von Gemmingen/ der Anno 1612. im Wintermonat geſtorben/ hat acht ſchoͤne Gaͤrten herumb zurichten/ und in ſolche allerhand herrliche uñ theure Gewaͤchs ſetzen laſſen; wie hievon ein beſonders Buch in Druck ausgangen iſt. Der auch ob⸗ und offtgemeldte Biſchoff Johann Chriſtoff von Weſterſtetten/ hat hernach den Felſen/ durch ſonderbare Kunſt und Fleiß/ alſo bre⸗ chen/ und zurichten laſſen/ daß man allda das Schloß/ und die Straſſen zu demſelbigen/ fuͤr feindlichen Uberfaͤllen beveſtigen/ und Platz fuͤr die Pferde/ und die Soldaten/ auch zum Wein/ hat machen koͤnnen. Es hat da eine Kirche zu S. Peter genannt. In den Felſen⸗ Steinen herumb findet man Fiſch/ Blaͤtter/ Voͤgel/ Blumen/ und viel ſeltzame Ding/ ſo die Natur darinnen ſehen laͤſt. Es ſeyn auch da unterſchiedene Faſanen⸗Gaͤrten/ darinn ingleichem Kranich/ und andere Voͤgel ſeyn. In dem Schloß ſelbſten ſchoͤne gemahlte Saͤl/ und Luſtzimmer/ in welchen allerhand rare/ und theure Sachen/ ſchoͤne und kuͤnſtli⸗ che Stuͤcke/ ſonderlich in der Kunſtkammer/ und in dem Schatz⸗Gewoͤlb vor dein jetzigen Krieg/ ſollen zu ſehen geweſt ſeyn; ſo/ ſonders zweiffels/ bey Zeiten an ſichere Ort meiſten⸗ theils gebracht/ und noch vorhandẽ ſeyn wer⸗ den. Dann dieſes Schloß/ ſanunt der Stadt/ Hertzog Bernhard von Sachſen/ Weymar/ Anno 1633. im Fruͤhling/ erobert; ſo aber hernach/ im Herbſt/ der damalen geweſte Chur⸗Bayriſche Oberſter/ Herr Johann von Werth/ ꝛc. wieder eingenommen. Und obwoln Anno 1634. im Außgang deß Jen⸗ ners/ die Stadt Aichſtatt von den Schwedi⸗ ſchen wieder gewonnen/ und/ wie man ge⸗ ſchrieben. 6. Mußjquetirer/ und 40. Trago⸗ ner/ theils niedergehauen/ theils gefangen/ und nach Verlaſſung der Stadt/ ſolche an⸗ gezuͤndet worden: So haben ſie doch das ge⸗ meldte Schloß auff S. Wilibaldsberg/ da⸗ hin ο. Crabaten auß der Stadt entkommen nicht mehr erobern koͤnnen.
Auſſerhalb der Stadt/ an der Altmuͤll/ ligt das Nonnen⸗Cloſter Mariæſtein: und wann man ein wenig hinauffwerts zur Alt⸗ muͤl gehet/ ſo findet ſich Rebdorff/ ein Cloſter
deß Franckenlands/ ꝛc. 17
der regulirten Chorherren. Auguſtini, wel⸗ ches der 24. Biſchoff zu Eichſtatt Conradus geſtifftet hat. Es iſt in ſolchem/ vor demjetzigẽ Kriegſein herrliche Bibliotheck von geſchrie⸗ benen Buͤchern geweſen: Darauß Henricus zugenaüt von Rebdorff/ ſonders zweiffels ſei⸗ neChronic guten theils wird gemacht haben. Was Endlich das Eichſtattiſche Biſtumb anbelangt/ ſo iſt oben allbereit von deſſen An⸗ fang/ und dem Erſten Biſchoff Willibaldo (ſo Anno 781. geſtorben) geſagt worden. Graff Gebhart von Hirſchberg/ der letzte ſei⸗ nes Geſchlechts/ ſo An. 13 05. geſtorben/ und im obgedachten Cloſter Rebdorff begraben worden iſt/ hat die gantze Graffſchafft/ ſanit dem Stamhauß Hirſchberg/ und der Stadt Berchingen/ dieſein Stifft Aichſtatt(auſſer deß Landgerichts/ ſo er Bayern geben) ge⸗ ſchencket. So ſeyn auch ſonſten viel Guter/ und Ort nach und nach darzu kommen; wie man dann findet/ daß Kaͤyſer Arnolff das reiche Cloſter Haſenried im Rieß: Gutha/ deß Hertzogen Sisberti aus Lothringen Toch⸗ ter/ das Cloſter zu Bergen 2. Meilen von Aichſtatt/ nachden ſie ſolches zuvor ſchoͤn ebauet/ mit Gold/ und Silber begabt: Kaͤy⸗ r Fridericus Barbaroſſa das Flecklein Reb⸗ dorff an der Altmuͤl/ darautz oberwehntes Cloſter worden: und ſein/ deß Kaͤyſers Die⸗ ner einer/ ein Ritter/ das ſtattliche Cloſter zu Saͤlig⸗Porten/ Bernhardiner Ordens/ die⸗ ſem Biſthumb geſchenckt/ und einverleibet haben. Biſchoff Reymbot/ oder Regebot/ hat darzu kaufft das Staͤdtlein Spalt/ die Veſten/ oder Schloͤſſer/ Werdenfels/ und Abenberg/ mit umbgelegener Landſchafft/ und etliche andere Schloͤſſer wieder erneuert. Biſchoff Philipps erkauffte die Veſtung Wartberg/ auch das Schloß Gredingen. Das Cloſter Moßbrunn/ die Schloͤſſer Danhauſen/ Bruneck/ und Dollenſtein; die Schloͤſſer und Doͤrffer/ Meſſingen/ Ambs⸗ berg/ Hoffſtaͤtt/ Revenbuch/ obgedachtes Cloſter Marienſtein/ das Barfuͤſſer⸗Cloſter Maͤynberg/ von Hertzog Ludwigen in Bay⸗ ern geſtifftet; und andere Ort/ und Guͤter mehr/ und darunter ein Hof zu Nuͤrnberg/ ſeyn ingleichenn/ mit der Zeit/ durch Kauff und andere rechtmaͤſſige Weg/ zum Stifft kommen; wie hievon/und auderm/ obange⸗ zogener Henricus à Rebdorff, in Annalibus, Caſpar Bruſchius de Epiſcopatibus Ger- maniæ, Jacobus Gretſerus in Caralogo Hi- ſtorico omnium Epiſcoporum Eyſtetten- ſium,&c. und andere mehr/ zuleſen. Es hat der Biſchoff von Eichſtaͤtt die Geiſtliche In⸗ C 3 ſpection
—