gut landt ſey/ das alle nothurfft deren dinge/ ſoman zu erhaltung menſchliches lebens nicht entrahten kan/ reichlich vnd vberfluͤßig dargibt vnd auſpendet.

Vnd damit der leſer von ſolcher fruchtbarkeit vnd gaben ein jede beſonders mit mihr anſchawen moͤge/ ſo wil ich ſelbige in dreyerley weiß darſtellen/ nemblich in erzehlung der erdgewechſe/ der waſſer/ vnd letzlich dero lebendigen thiere.

Von denen erdgewechſen des Landes Heſſen.

S ſagt zwar Tacitus vnd andere ſeiner mit zeit ſcribenten/ daß Teutſchland ſey eine wildtnuß vnd vnfruchtbahrer ort ge⸗ weſen. Wenn man aber ſolches mit dem jetzigen conferiren vnnd dargegen halten wil/ ſo befindet ſich das augenſcheinliche wiederſpiel. Vnſer Heſſen land betreffende/ wil ich ſolches als deſſen zeugen vnnd exempel darſtellen/ vnd beſagten erſten Punckten in zweyen ſtuͤcken kurtzlich erwoi⸗ ſen: dann erſtlich ſollen die gaben vnd gewechs/ ſo man in der erden findet/ als da ſind metallen/ ſteine vnd dergleichen/ darnach die gewechs/ ſo auff der er⸗ den zu bekommen vnd zu ſehen/ als beume/ ſtauden vnd kreuter/ erzehlet vnd beſchrieben werden/ darauß dan leichtlich die fruchtbarkeit des bodens erſcheinen wirdt.