Chronica. tz

pæ- Viſpi vnd Sypetes, mit denen Catten gegen abend gegren⸗ tet/ da jetzo das Hertzogthumb Bergen/ die Graffſchafften Seyn/ Dietz/ Catzenelenbogen vnd das Rhingaw gelegen: Die Uſipii aber im Gerawer lande am Neccar vnd Rhein/ da nun⸗ mehr ein antheil Pfalt geſeſſen.

Helvetii oder Schweitzer haben zuvor beſſer hierauſſen naher Schwaben gewohnet/ vnd ihre grentzen biß an Main erſtrecket/ ſind aber zeitlich hinnuͤber auff Galliam verruckt.

Chauci haben geſeſſen zwiſchen der Elbe/ Weſer/ Embs/ dem Meer vnd denen Catren, Da numehrdie Sachſen/ Weſt⸗ phelinge/ Luneburger vnd Braunſchweiger wohnen.

Cheruſci, die Hartzlaͤnder/ ſind inwohner geweſen der Marck vmb Soltwedel/ biß an die Luneburger Heide vnd dero lande/ welche nuhmer genennet werden das ſtifft Halberſtadt/ Masdeburg vnd der jetzige Hartz.

Hermunduri haben am rechten vfer der Sala/ wie die Catten gegen uͤber am linckenufer/ gewohnet/ daruͤber ſie dan auch endlich der Saltzbronnen halber an einander gerahten. Nach ihrem abzug ſind die Meißner daſelbſten ingewurtlet.

Nariſci ſind denen Hermundurern an der ſeiten geſeſſen/ da numehr das Voitland vnd die Ober Pfaltz iſt. Haben ſich endlich beneben denen Hermundnrern vnd Bojis oder Beyern/ welche damaln in Behmen gehauſet/ aus zwang ihrer vnruhi⸗ gen nachbawern in das jetzige Beyerland begeben muͤſſen.

Decumates agri haben im anfang deß Hercyniæ bey Brifzunh vnnd dem euſſerſten cheil des Wirtenberger landes elegen. 3 Carithni aber haben im Wirrenberger lande grſeſſen/ nicht fern von dem Helvetiſchen vnd Schweitzeriſchen gebirge vnd wuͤſten/ wie ſolches Prolomæus anzeiger.

Suevi waren das mechtigſt vnd groͤſſeſt Volck unter denen ſemptlichen Teutſchen/ ſo auch ihre wohnungen nicht beyei. nander gehabt/ ſondern hin vnd wieder in Cermanien zerſtrew. et geweſen/ darob ſie auch ihre beſondere zunahmen bekommen/ als Suevi Angli bey denen Cimbern oder Holſteinern/ werden von brolomæo genennet Angilli vnnd Suevi Angillorum:

8 3 Suevi