Vrchs anſehen klar der aller liebſter mein Ward ich gefuͤrt zu einem ſchloß hinein/ Welchs auff eim berg mit einer hohen ſpitzen Gelegen iſt: Imſelbigen thut ſitzen Ein Goͤttin groß/ edle tugend genant/ Dem minſten hauff in diſer welt bekant. An jrem leib nichts weiblichs iſt zuſehn/ Ir augen ſuͤß/ doch mit ernſt vermiſcht ſtehn/ Vnd jr augbrat darneben nidrich was Von anſehn gleich wie die Gottin Pallas. An jrer ſeit war lehr vnd fleiß geſeſſen Erbarkeit/ Arbeit/ Freiheit/ vnuermeſſen Froneſis/ auch Andronica vnuerzagt/ Ind mein geleit/ da ich vorhin von ſagt. Sie blickt mich an vndthet mich freundlich troͤſtẽ/ Nein trewer freunt(ſpꝛach ſie) der du an bruͤſten Der neun ſchweſtern von jungſt geſogen haſt/ Auff das du ſolſt leben in gluͤck vnd raſt. Vnd dieweil ich vnd ſie von jungen jaren Dein fromigkeit alzeit haben erfahren/ Soltu mir jetzt auch billich wilkom ſein: Kom daß ich dich vmbfang/ hertz liebſter mein Vnd weil du ſtets fauligkeit haſt veracht/ Vnd weltlichem pracht niemal nach getracht/ All wolluſt auch gantz ring geſchetzet haſt/ Vnd biſt durch lehr kommen in diß pallaſt. Vnd weil du haſt auff mich dein lieb geſetzt Soltu widerumb geliebt vnd hochgeſchetzt Von mir ſtets ſein/ vnd was dein hertz begert Soltu von mir alzeit ſein geehrt.

———— 2