—ddd1

Da kamen wir zu der vnkeuſcher frauwen

Welche mich auch lieblichen thet anſchauwen

Aber alßbalt ich ſie erkennen wardt

Verließ ich ſie vnd macht mich auff die fart

Zu einem Weib hoher gburt vnd namen Zur Euclia der prechtigen wir kamen.

Dieſe ſolt mich gern vberredet han

Das jren orden ich ſolt nemen an.

Ir pallaſt thet auff einem Berge ſtehen

Von welchem man das flache felt kont ſehen

Es war herꝛlich vnd ſchon zuſchawen an

Aber ſchwerlich moͤchte man kommen dran Iedoch ich greiff ein hertz vnd thet mich wagen

Den hohen felß ſteig ich auff ohne hagen

Mit arbeit groß vnd auch geferligkeit/

Da ſahe ich wie ſo zierlich was bereit

Der Pallaſt ſchon/ da ſahe ich mit was ehren

Man daſelbſt lebt/ vnd beguͤndt zu begehren

Am ſelben orth zu bleiben alle zeit

In lob vnd ehr/ Triumph vnd herrligkeit.

Aber als mein geſelſchafft ſolchs wardt ſpuͤren Das ich alſo mich wolt laſſen verfuͤren Sprach ſie zu miro freundt hoͤr vnſer wort 3 Manch kuͤner helt iſt kommen an diß orth 8 Vmb lob vnd preiß vnd ehr zu erwerben Aber er iſt balt kommen zum verderben

Geſtoſſen auß durch ein loch vnbekant

Da verzweiffelung vnd ſchmertz jr wonung hand/ Auch armuth groß vnd trawren ohne maſſen Darumb muſtu ſolch meynung faren laſſen

Vnd achten ring all diß außwendig pracht

Nach groſſerm gluͤck hinfurter denck vnd tracht.

Als ich vermeint ich hett alhie geſehen

Die ſo ich lieb/(diß muß ich jetzt verjehen)

Mehr dann mein eigen leben vnd ſeel acht/

Ward ich mit jr in verbunt ſamen bracht. Darnach thet mich groß ſchmertz vberkommen

Als ich mein eigen blindtheit hett vernommen. Anſtund zu mir Philoſophia ſprach/ Ohn vnſern rath haſtu gethon diß ſach Gott verheiſt dir ein Perl von groſſen werden Ein blum weiſſer dann lilien der erden. Der tugent tochter/ Gottes dienerin In wiſſenſchafft vnd ſitten mag nit ſein Irs gleichen die wirdt man an dieſen enden Nit finden/ laſt vns vnß anders bn wenden. 2

—

—